петок, август 6, 2021
HomeАктуелноНово поскапување на горивата

Ново поскапување на горивата

Регулаторната комисија за енергетика донесе одлука да се зголемат малопродажните цени на нафтените деривати во просек за 1,15% во однос на минатата недела.

Цените на бензините ЕУРОСУПЕР БС-95 и ЕУРОСУПЕР БС-98 се зголемуваат за половина денар по литар, а литар дизел и на Екстра лесно масло за домаќинство  ќе се продава по цена повисока за еден денар.

Малопродажната цена на мазутот, пак, се зголемува за 0,348 ден/кг и ќе изнесува 35,237 ден/кг.

Од вечерва по полноќ (15 јуни) цените на нафтените деривати изнесуваат:

Бензин ЕУРОСУПЕР БС-95: 68,50 денари/литар

Бензин ЕУРОСУПЕР БС-98: 70,50 денари/литар

Дизел ЕУРОДИЗЕЛ БС (Д-Е V): 61,50 денари/литар

Масло за горење ЕЛ-1: 61 денар/литар

Мазут: 35,237 денари/килограм

Oд Регулаторната комисија информираат дека во изминатиот седумдневен период сите референтни цени на светските берзи во просек бележат зголемување: бензинот за 1,377 %, дизелот за 2,116 %, екстра лесното масло за 2,606 % и кај мазутот зголемувањето е за 1,029 %.

Во истиот период, пак, курсот на денарот во однос на доларот е повисок за 0,265 %.

ПОВРЗАНИ ВЕСТИ

Најново

Најчитано

Дневно