Франција ги олеснува мерките против Ковид 19 поради подобрување на епидемиолошката состојба. Според тамошните власти состојбата се подобрила побрзо од што се очекувало.

Од денеска не е задолжително носење маски на отворено. Задолжителното носење маски важи само за одредени околности како собири, спортски натпревари, места каде што има голем број на луѓе. Премиерот на Франција најави дека во недела ќе биде укинат и полицискиот час кој сега почнува од 23 часот. Тој исто така најави дека до крајот на август во Франција од 67 милиони ќе бидат вакцинирани 35 милиони француски граѓани.